تهييس شباب فى الجامعه Oou_uo10

أفضل 10 أعضاء في هذا المنتدى

الساعة الان..

المواضيع الأخيرة

» مخدات غريبه اوى
تهييس شباب فى الجامعه Emptyالثلاثاء أبريل 10, 2012 9:32 pm من طرف zozo w bs

» ديكورات غريبه
تهييس شباب فى الجامعه Emptyالثلاثاء أبريل 10, 2012 9:31 pm من طرف zozo w bs

» اعظم قصه حب
تهييس شباب فى الجامعه Emptyالثلاثاء أبريل 10, 2012 9:27 pm من طرف zozo w bs

» مايوهات محجبات
تهييس شباب فى الجامعه Emptyالأربعاء أبريل 04, 2012 10:23 pm من طرف zozo w bs

» خواتم وميداليات لازوردى
تهييس شباب فى الجامعه Emptyالأربعاء أبريل 04, 2012 3:53 pm من طرف زينب

» اقترااااااااااااااااااااااااااااااااااااح
تهييس شباب فى الجامعه Emptyالأربعاء أبريل 04, 2012 3:39 pm من طرف زينب

» لبس بيبى
تهييس شباب فى الجامعه Emptyالإثنين أبريل 02, 2012 4:04 pm من طرف زينب

» فساتين سهرة للاطفال
تهييس شباب فى الجامعه Emptyالإثنين أبريل 02, 2012 4:03 pm من طرف زينب

» سباق الدمام للحمام الزاجل ( سباق حياة او موت )
تهييس شباب فى الجامعه Emptyالخميس نوفمبر 03, 2011 6:35 am من طرف الشيخ راجح النعيمى

دخول

لقد نسيت كلمة السر


    تهييس شباب فى الجامعه

    zozo w bs
    zozo w bs
    Admin
    Admin


    انثى السمك الخنزير
    عدد المساهمات : 973
    نقاط : 2440
    السٌّمعَة : 3
    تاريخ الميلاد : 13/03/1995
    تاريخ التسجيل : 24/01/2010
    العمر : 29
    الموقع : www.almaleka.forumarabia.com
    العمل/الترفيه : مديرة المنتدى
    المزاج : الحمد لله تمام

    تهييس شباب فى الجامعه Empty تهييس شباب فى الجامعه

    مُساهمة من طرف zozo w bs الجمعة أغسطس 20, 2010 3:34 pm

    تهييس شباب الجامعه

    تررررررن تررررررررن
    تررررررررررن

    الام : الو

    أحمد : الو ,,, ازيك يا طنط عامله
    ايه

    الام : الحمد لله و انته عامل ايه يا ابنى

    أحمد : تمام الحمد لله
    ممكن اكلم محمد

    الام : و الله محمد نايم دلوقتى بس لو فى حاجه ضرورى ممكن
    اقولهالو ...

    و لا تحب اصحيهولك؟ ؟

    أحمد : ياريت يا طنط تصحيه معلش
    يعنى

    الام : حاضر يا بنى

    يا محمد يا محمد كلم صحبك أحمد على التليفون
    ...

    محمد : حاضر يا ماما انا كونت قايم اصلا

    محمد : الو ,,, مين
    معايا

    أحمد : كونداليزا رايس

    محمد : يا بنت الايه و مال صوتك احلو
    كده ليه

    أحمد : يا عم انا أحمد انته هاتستظرف على الصبح

    محمد : بس
    احنا المغرب دلوقتى يا خفة

    أحمد : تصدق يلا انا جزمه اصلا ان انا اتصلت بيك
    علشان اقولك انك اتزفت نجحت

    محمد : طيب ما انا عارف

    أحمد : عارف ايه
    ,,, عارف انك نجحت

    محمد : لا ,,, عارف انك جزمه

    أحمد : ايوه يا عم
    هزر هزر ما هو الناجح يرفع ايدو

    محمد : اشمعنه

    أحمد : انته هاتخشلى
    قافيه

    محمد : خلاص يا عم ,,, المهم التقدير ,,, هاه التقدير ايه

    أحمد
    : مش فاهمك الحقيقه ,,, ممكن توضحلى النقطه دى

    محمد : بقولك التقدير انا جبت
    تقدير ايه

    أحمد : يا عم انته هاتعيش الدور دا انته لولا درجات الرافه كانت
    بقت تالت سنه ليك فى رابعه

    محمد : يا عم انته هاتزلنى

    أحمد : عم ايه
    ,,, انته شايفنى واقف تحت بيتكم مشلح الجلابيه و بقول مسكره يا جوافه

    محمد :
    مكنتش اعرف ياد ان كليتنا بطلع ناس بالمرح و الخفه دى كلها

    أحمد : يلا معلش
    عيد الام بقه

    محمد : بلا عيد الام بلا عيد العمال المهم انت عملت
    ايه

    أحمد : انا الحمد لله طلعت بجيد

    محمد : و هو احنا عندنا ماده
    اسمها جيد ,,, لا حول و لا قوه الا بالله ,,, يلا ربنا معاك

    أحمد : يخرب بيت
    الزفت الى بتشربو و مطينلك دماغك ده انا جبت تقدير جيد ياض

    محمد : طيب كويس
    ربنا يوفقك و مقبول من جيد مش هاتفرق

    أحمد : على رايك

    محمد : هاه
    هانعمل ايه دلوقتى

    أحمد : الحقيقه مش عارف ,,, محتار بين بيض بالبسطرمه و
    فول بالسجق

    محمد : يا راجل ,,, مش تقول انك محتار كده
    انا اقولك بص انته
    تعمل عبيط

    أحمد : خلاص يا عم ,,, انا اسف

    محمد : اسفك مش مقبول ,,,
    اسفك جيد جدا
    بس بجد هانعمل ايه بعد ما اخدنا البكالوريوس

    أحمد : هانبدا
    بقه رحلة البحث على شغل كويس علشان ناكل عيش

    محمد : و انتو معندكوش عيش فى
    البيت و لا ايه

    أحمد : لا معندناش و مين قالك ان احنا معندناش

    محمد :
    لا ابدا جالى هاتف

    أحمد : و جبتو على كام

    محمد : لا هو اتمختر و جالى
    لوحده

    أحمد : بس انا بجد مخنوق اوى من حكايه الشغل دى يا محمد

    محمد :
    هه ,,, يارب

    أحمد : يارب ياعم ,,, بس انته عارف الوسايط و الكلام ده مالى
    البلد

    محمد : تحيا جمهوريه مصر العربيه يا عم
    ما تخفش يا عم ربنا
    هايفرجها انشاء الله

    أحمد : و الله يا محمد ان لولا كلامنا و تهريجنا مع بعض
    فى بلدنا دى كان الحال رسى بينا على حاجتين
    يا اما كنا ولعنا فى نفسنا
    يا اما
    كان اتولع فينا

    محمد : يا عم هيس تعيش كويس

    أحمد : قشطه يا بوب و
    ناوى تعمل ايه دلوقت

    محمد : هقضيها فساد

    أحمد : قشطه شكلك هتكمل نوم
    صح ؟؟؟

    محمد : حافظنى ياض و الله انت برنس

    أحمد : يا عم انت اللى بوب
    روح غور بقى و نام و اشوف وشك بكره

    محمد : يلا فى ستين داهيه يا
    صاحبى

    أحمد : الله يحرقك يا حبى تصبح على ستين نيله

    محمد : و انت من
    اهله يا فقر

      الوقت/التاريخ الآن هو الجمعة مارس 29, 2024 6:47 am